کۆمەڵەی داکۆکیکردن لە مافی خاوەن مۆلیدە ئەهلییەکان ڕایگەیاند، لە سبەی دووشەممەوە کارپێکردنی مۆلیدە ئەهلییەکان لە کاتژمێر 7:00ی بەیانی بۆ کاتژمێر 1:00ی شەو دەبێت.
بەپێی نووسراوێکی کۆمەڵەکە کە بۆ تۆڕی میدیایی ئێسا نێردراوە هاتووە، “لەکاتی هەر گۆڕانکارییەک لە بەرنامەی کارەبادا، خاوەنی مۆلیدە ئەهلییەکان ئاگاداردەکرێنەوە و پێویستە لەکاتی بڕانی کارەبای نیشتمانیدا 10 خولەک دوای ئەوە کارەباکە هەڵبکرێت”.
ئاماژە بەوەشکراوە، هەر خاوەن مۆلیدەیەک یان کارپێکەرێکی مۆلیدە ئەهلییەکان دەستکاریی پێوەری زیرەکی کارەبای نیشتمانی بکات تووشی سزای یاسایی دەبێت.
