به‌ڕێوه‌به‌رایه‌تیی كه‌شناسی و بومه‌له‌رزه‌زانى هه‌رێم له ڕاگه‌یه‌ندراوێكدا ئاماژه‌ى به‌وه‌كردووه، سبه‌ینێ یه‌كشه‌ممه پێشبینى ده‌كرێت ئاسمانى هه‌رێم هه‌ور بێت و له‌دره‌نگانى شه‌ودا هه‌وره‌كه زیاتر چڕ بێته‌وه نمه باران له ناوچه‌كانى ناوه‌ڕاست و ڕۆژهه‌ڵات و باكوورى ڕۆژهه‌ڵات و به شێك له ناوچه‌كانى گه‌رمیان و ببارێت كه هه‌ندێك جار هه‌وره تریشقه‌شى له گه‌ڵدا ده‌بێت.
باسی له‌وه‌شكردووه، به‌ڵام له ناوچه‌كانى دهۆك و باكوورى هه‌رێم پێشبینى ده‌كرێت باران ببارێت له‌گه‌ڵ بارینى به‌فر له ناوچه‌شاخاوییه‌كانى و ناوچه شاخاویه‌كانى هه‌ولێر.
كه‌شناسی پێشبینی ئه‌وه‌شی كردووه، شه‌پۆله‌كه تا به‌ره‌به‌یانى ڕۆژى دووشه‌ممه كاریگه‌رییه‌كه‌ى به‌لاوازى ده‌مێنێته‌وه له هه‌ندێك ناوچه‌دا.
