ڕاهێنه‌ری یانه‌ی پاریس سانت جێرمانی فه‌ره‌نسی، تۆماس توخێل ڕه‌تیده‌کاته‌وه بیر له به‌جێهێشتنی یانه‌که‌ی بکاته‌وه و به‌رده‌وامبوونی دووپاتده‌کاته‌وه.
له باره‌ی مه‌ترسییه‌کانی دوورخستنه‌وه‌ی، توخێل له وه‌ڵامی ڕادیۆ مۆنتی کارلۆی فه‌ره‌نسیدا ڕایگه‌یاند، ” نه‌خێر، هه‌ست به مه‌ترسی ناکه‌م، هه‌میشه میدیاکانی فه‌ره‌نسا ڕاهێنه‌ر ده‌خه‌نه دۆخێکی مه‌ترسیداره‌وه و به‌و شێوه‌یه له‌باره‌یه‌وه ده‌نوسن، به‌ڵام ئه‌وه هیچ شتێک له ئه‌رکه‌کانی من له‌گه‌ڵ ستافی هونه‌ری و به‌رانبه‌ر یاریزانان ناگۆڕێت، ئه‌وانه بابه‌تگه‌لێکی ئاسایین و ده‌بێت ڕاهێنه‌ر خۆی بگونجێنێت له‌گه‌ڵیدا”.
توخێل له ڕێگه‌ی لێدوانه‌کانیه‌وه دووپاتیده‌کاته‌وه، بڕیاریداوه له پاریس به‌رده‌وامبێت و کێشه‌کانی ماوه‌ی ڕابردوو له‌گه‌ڵ لیۆناردۆی به‌ڕێوبه‌ری یانه وه‌لابنێت.
توخێل له هاوینی 2018وه پۆستی ڕاهێنه‌ری یانه‌ی پاریس سانت جێرمانی وه‌رگرتووه، جگه له چنینه‌وه‌ی نازناوه ناوخۆییه‌کان وه‌رزی ڕابردوو گه‌یشته یاری کۆتایی خولی یانه پاڵه‌وانه‌کان و به‌رانبه‌ر یانه‌ی بایرن میونشن شکستیهێنا.
