حکومەتی هەرێم: بۆ ڕێگری لە هێرشەکانی داعش پێویستە عێراق کاری هاوبەشی زیاتر لەگەڵ پێشمەرگە بکات

حکومەتی هەرێمی کوردستان بەبۆنەی هێرشەکەی شەوی ڕابردووی داعشەوە پەیامێکی بڵاوکردەوە و ئامادەیی تەواوی هەرێمی کوردستان بۆ هەماهەنگی و کاری هاوبەشی نێوان پیسمەرگە و حکومەتی عێراق دەربڕیوە، کاری هاوبەشی حکومەتی عێراقیش لەوبوارەدا بەپێویست دەزانێت.

سەی ڕابردوو چەکدارانی داعش هێرشێکیان بۆسەر هاوڵاتییانی گوندی خدر جیجە لە بناری چیای قەرەچووخ ئەنجامدا، ژمارەیەک هاوڵاتیی گوندەکەیان شەهیدکرد و دوای بەهاناوەچوونی هێزەکانی پێشمەرگە چەند پێسەمرگەیەکیش شەهیدبوون کە سەرجەم شەهیدەکان بە هێزەکانی پێشمەرگە و هاوڵاتیی سڤیلەوە 13 شەهید بوون.

لە ڕاگەیەندراوێکدا حکومەتی هەرێمی کوردستان لەوبارەیەوە ڕایگەیاند، ” بۆ ڕێگری کردن لە هێرشە بەردەوامەکانی تیرۆرستانی داعش لە ناوچە کوردستانییەکانی دەرەوەی ئیدارەی هەرێمی کورستان و پڕکردنەوەی بۆشایی ئەمنی لەو ناوچانە، پێویستە حکومەتی فیدراڵی هاوئاهەنگی و کاری هاوبەشی زیاتر لەگەڵ هێزی پێشمەرگەی کوردستان بکات”.

هەروەها دەڵێت، ” حکومەتی هەرێمی کوردستانیش ئامادەیی تەواوی خۆی دەربڕیوە و دەردەبڕێت لەو بوارەدا”.

بابەتی پێشتر

ئایا ئەوانەی پێشتر تووشی کۆرۆنا بوون بەرگرییان دژی گۆڕاوی ئۆمیکرۆن هەیە؟

بابەتی دواتر

ئەو خواردنانەی پێست جوان دەکەن

بابەتی پەیوەندیدار
Total
0
Share