چەمچەماڵ.. بەهۆی دەستکاریکردنی گولـلە ئاربیجییەوە سێ منداڵ برینداربوون

وتەبێژی تەندروستیی چەمچەماڵ ڕایگەیاند، ئێوارەی ئەمڕۆ لە گوندی “هەڕێنە”ی نزیک قادر کەرەم، بەهۆی دەستکاریکردنی گولـلە ئاربیجییەوە سێ منداڵ برینداربوون.

شەریف ڕەحیم، وتەبێژی تەندروستیی چەمچەماڵ بە تۆڕی میدیایی ئێستای ڕایگەیاند، “منداڵەکان تەمەنیان هەشت ساڵ و 10 ساڵ و 15 ساڵە و دوای تەقینەوەی گولـلە ئاربیجییەکە پێیاندا گەیەندراونەتە نەخۆشخانەی فریاکەوتنی چەمچەماڵ و باری تەندروستیان جێگیرە”.

وتیشی، “لە ئێستادا منداڵەکان لەژێر چاودێریدان، ئەگەر بزانین تەندروستیان ناجێگردەبێت ڕەوانەی شاری سلێمانیانیان دەکەین”.

بە وتەی وتەبێژی تەندروستیی چەمچەماڵ، بریندارەکان لە تەمەنێکدا نین چەکەکەیان بەکارهێنابێت، بەڵکو وەک دەردەکەوێت دەستکاری گولـلەکەیان کردووە و پێیاندا تەقیوەتەوە.

بابەتی پێشتر

"ئێرە وەک دۆزەخ وایە" چیرۆکی منداڵە برسییەکانی ئەفغانستان

بابەتی دواتر

لە هێرشێکی داعشدا لە مەخمور دوو هاوڵاتی شەهیدبوون

بابەتی پەیوەندیدار
Total
0
Share