بەڕێوەبەرایەتی دژەتیرۆر دانپێدانانی دوو تیرۆرستی بڵاوکردەوە، کە لە سنورەکانی کەرکوک و حەمرین هاوکاری داعشیان کردووە و چەندین چالاکیان هەبووە.
ئەو دوو کەسە کە ناویان “فراس یوسف ساڵح و بەرزان عامر شکر”ە لە سلێمانی لەلایەن دژەتیرۆرەوە دەستگیرکراون، لە کاتێکدا هەوڵی ئەوەیانداوە خۆیان بگەیەننە تورکیا.
لە دانپێدانانەکاندا، ئەو دوو ئەندامەی داعش ئەوە ئاشکرادەکەن، کە لە نزیک کەرکوک و ناحیەی مەیدان و ناوچە جێناکۆکەکان چالاکییان هەبووە و هاوکاری چەکدارانی داعشیان کردووە.
ئەو دوو ئەندامەی داعش، دوای ئەوەی خۆیان گەیاندووەتە سلێمانی و ویستویانە بە قاچاخ بگەنە وڵاتی تورکیا، بەڵام مانگی ڕابردوو لەلایەن بەڕێوەبەرایەتی دژەتیرۆرەوە دەستگیرکراون.
