ئه‌نجومه‌نى دادوه‌ریی هه‌رێم، فه‌رمانى دامه‌زراندنى بۆ 47 دادوه‌ری نوێی له دادگاكانى هه‌رێمى كوردستان ده‌ركرد.
به‌پێی نووسراوێكى ئه‌نجومه‌نه‌كه، ئاماژه به بڕیاری ئه‌نجومه‌نی دادوه‌ری ژماره (71 له 1/12/2021) و پشت به فه‌رمانی هه‌رێمی ژماره (272)ی ساڵی 2021 و به‌پێی نووسراوی سه‌رۆكایه‌تیی هه‌رێمی كوردستان / دیوان ژماره (د-1099 له 5/9/2021) و به‌دیكردنی گشت مه‌رجه‌كانی یاسایی، بڕیاردرا به دامه‌زراندنی 47 دادوه‌ر بۆ دادگاكانی تێهه‌ڵچوونه‌وه‌ی هه‌ولێر، سلێمانی، دهۆك و كه‌ركوك – گه‌رمیان.
ئه‌نجومه‌نى دادوه‌ریی هه‌رێم دەڵێت، دامه‌زراندنی ئه‌و دادوه‌رانه دوای ته‌واوكردنی خولی سێیه‌می په‌یمانگای دادوه‌رییه، كه ژماره‌یان 47 دادوەره و دوای ڕێوڕه‌سمی سوێندخواردنیان له‌به‌رده‌م سه‌رۆكی ئه‌نجومه‌نی دادوه‌ری، له‌و شوێنانه‌ی كه بۆیان ده‌ستنیشانكراوه، ده‌ستبه‌كارده‌بن.
