كوردێك لە دانكیخ لەفەی جگەر دەفرۆشێت

لەگەڵ جێگیربوونی بەشێك لە كۆچبەران لە ناوچەی دانكیخ لە باكووری فەرەنسا، دەوەن ئەنوەر مەحمود كە خەڵكی قەڵادزێ-یە، خواردنگەیەكی كردەوە كە لە دار و چادر بنیادیناوە و نیوەڕوان لەفەی جگەری مریشك دەفرۆشێت.

ئاژانسی هەواڵی ڕۆیتەرز ڕاپۆرتێكی لەبارەی ژیانی دەوەنی تەمەن 30 ساڵانەوە كردووە و بە ئاژانسەكەی ڕاگەیاندووە، دەیەوێت لەڕێگەی ئەو كارەیەوە پارەی پێویست بەدەستبخات بۆ گەیشتن بە بەریتانیا بە ڕێگایەكی باشتر وەك لە بەلەمی بچووك.

هاوینی ڕابردوو دەوەن 2100 دۆلاری لەلایەن قاچاخچییەكانەوە براوە و سەركەوتوو نەبووە لە پەڕینەوە بۆ بەریتانیا، مانگی ڕابردووش قاچاخچییەك بردوویەتییە كەناری دەریا بەمەبەستی پەڕینەوە، بەڵام وەكخۆی دەڵێت، “كاتێك زانیم دەبێت لەگەڵ 47 كەسی تردا سواری بەمەلەكە ببم، ترسام و پاشگەزبوومەوە، بەڵام قاچاخچییەكە لێیدام و مۆبایلەكەی شكاندم لەترسی ئەوەی پەیوەندی بە پۆلیسەوە بكەم”.

دەوەن لەڕێگەی كاركردنی لە خواردنگەكەیدا ڕۆژانە 40 – 70 یۆرۆی دەستدەكەوێت و دوو كەسیشی خستووەتەسەر كار و ڕۆژانە 25 یۆرۆیان پێدەدات، ئەوانیش كۆچبەرن و دەیانەوێت پارەی گەیشتن بە بەریتانیا كۆبكەنەوە.

 

بابەتی پێشتر

بریکاری وەزیر و بەرپرسانی تەندروستیی سلێمانی كۆبوونەوەكانی وەزارەت بایكۆتدەكەن

بابەتی دواتر

‏200 عو‌مره‌كارى كورد له‌ مه‌ككه‌ن.. تووشبووی گۆڕاوى ئۆمیكرۆن له‌ سعودیه‌ تۆماركرا

بابەتی پەیوەندیدار
زیاتر ببینە

یەکەم رۆژی جەژنی قوربان دیاریکرا

پەیمانگای توێژینەوەی گەردوونناسی و جیۆفیزیکیی عەرەبی رایگەیاند، بەپێی ئەو پێوانە گەردوونیانەی کردوویانە یەکەم رۆژی مانگی زیلقیعدە دەکەوێتە یەکشەممەی…
Total
0
Share