وەزارەتی دارایی و ئابوریی هەرێم ڕایدەگەیەنێت، ماوەی دوو هەفتە سەرقاڵی تاوتوێی پڕۆژەیاسای بودجەی 2022 بوون و دەشڵێت، بۆ تەواوكردنی چاوەڕوانی داتای وەزارەتی سامانە سروشتییەكانە.
وەزارەتی دارایی و ئابوریی هەرێمی كوردستان ڕایگەیاند، به‌مه‌به‌ستی ئاماده‌كردنی پڕۆژه‌یاسای بودجه‌ی هه‌رێمی كوردستان بۆ ساڵی 2022، لە ڕۆژی 7 تا 21ی تشرینی دووەم له‌گه‌ڵ سه‌رجه‌م وه‌زاره‌ت و ده‌سته‌كان تاوتوێی بودجه‌ی به‌كارخستنیان كردووە، جگه له وه‌زاره‌تی سامانه سروشتییه‌كان كه داتای پێویستی نه‌بوو.
دەشڵێت، بۆ ئەو مەبەستە له‌ئێستادا چاوه‌ڕوانی داتا و زانیارییه‌كانی وه‌زاره‌تی سامانه سروشتیه‌كان و بودجه‌ی وه‌به‌رهێنان ده‌كه‌ن بۆ ته‌واوكردنی ئاماده‌كردنی پڕۆژه‌یاساكه.
لە ساڵی 2014ەوە هەرێمی كوردستان یاسای بودجەی نەبووە، شەڕی داعش، قەیرانی دارایی و بەرچاوڕوون نەبوونی هەرێم لەبارەی داهاتی بەردەستی وەك هۆكار و بیانووی ئامادەنەكردنی پڕۆژەیاسای بودجە ئاماژەیان پێكراوە.
ئەمساڵیش ئەگەرچی بڕیاربوو پڕۆژەیاساكە ڕەوانەی پەرلەمان بكرێت، بەڵام جارێكی دیكە نەتوانرا ئامادە و پەسەندبكرێت.
