وەزارەتی دارایی و ئابوریی حکومەتی هەرێمی کوردستان ئەمڕۆ دەستپێکردنی دابەشکردنی موچەی مانگی تشرینی دووەمی لە ڕۆژی پێنجشەممەدا ڕاگەیاند.
بەپێی ئەو ڕاگەیەندراوەی وەزارەتی دارایی و ئابوریی حکومەتی هەرێمی کوردستان بڵاویکردووەتەوە ڕۆژی پێنجشەممە 25/11/2021 وەزارەتی تەندروستی وەک یەکەم وەزارەت موچە بەبێ لێبڕین وەردەگرێت.
پێشتر وتەبێژی حکومەتی هەرێمی کوردستان جوتیار عادل ڕایگەیاند، کە مانگانە بەپێی ئەو داهاتەی لەبەردەستدایە مووچەی فەرمانبەرانی هەرێمی کوردستان دابەشدەکرێت.
