بە نووسراوێکى رەسمیی پارێزگارى کەرکوک داواى گواستنەوەى میلاک و تەوتینکردنى مووچەى پێنج هەزار مووچەخۆرى سەر میلاکى هەرێم لە پارێزگاکە دەکرێت.
نووسراوەکە بە ژمارە (368) دوێنێ 2ى ئازارى 2025 ئاراستەى وەزارەتى پەروەردەى عێراق کراوە و تیایدا نووسراوى لقى کەرکوکى یەکێتیى مامۆستایانى کوردستان و واژووى پێنج هەزار مامۆستا و کارمەندى خوێندنى کوردى لە پەروەردەى کەرکوک هاوپێچ کراوە.
تیایدا هاتووە، ناوبراوان دەوام و شوێنیان کەرکوکە و داوادەکەن میلاکیان بگوازرێتەوە سەر حکومەتى ناوەند و، مووچەکانیان لەسەر بانکەکانى رافیدەین و رەشید تەوتین بکرێت.
بڕیارە پێش نیوەڕۆى ئەمڕۆش نوێنەرانى مامۆستا و فەرمانبەرانى خوێندنى کوردى سەردانى پارێزگا و لیژنەى پەروەردە بکەن بۆ وەرگرتنى نووسراوەکە و گەیاندنى بۆ بەغداد.
دەقى نووسراوەکە:
