كەنەدا یەك ملیۆن و 200 هەزار كۆچبەر وەردەگرێت

ئاڵای كەنەدا لە بەردەم بورجی ئاشتی لە ئۆتاوا

دەسەڵاتدارێتی كەنەدا ویستی خۆی بۆ وەرگرتنی ژمارەیەكی زیاتری كۆچبەران لەماوەی سێ ساڵی داهاتوودا ڕاگەیاند، وەك قەرەبوویەك بۆ ئەو ژمارە كەمەی لەمساڵدا بەهۆی كۆرۆناوە وەریگرتوون.

ماركۆ مندیسینۆ، وەزیری كۆچی كەنەدا ئەمڕۆ شەممە 31ی تشرینی یەكەم ڕایگەیاند، وڵاتەكەی دەیەوێت پێشوازی لە ملیۆنێك و 200 هەزار كۆچبەر بكات لەنێوان ساڵانی 2021 تا 2023، ئەمەش بە زیادبوونی نزیكەی 200 هەزار كۆچبەر لەو ژمارەیەی بەر لە گرفتی كۆرۆنا ڕایگەیاندبوو.

مندیسینۆ، لە كۆنگرەیەكی ڕۆژنامەنوسیدا ئەوەشی وت، كەنەدا لە ساڵی 2020 بەشێكی كەمی ئەو 341 هەزار كۆچبەرەی وەرگرتووە كە پێشبینی دەكرد ڕووی لێبكەن، هۆكارەكەشی بۆ بڵاوبوونەوەی ڤایرۆسی كۆرۆنا و داخستنی سنوورەكان و هەڵپەساردنی گەشتە ئاسمانییە نێودەوڵەتییەكان بۆ ماوەیەك دەگەڕێتەوە.

پێشبینیش دەكرێت دۆخەكە بۆ باری سروشتی خۆی لە ساڵی 2021 بگەڕێتەوە، بەپێی پلانی ڕاگەیەنراوی كۆچ كە لە بنەڕەتدا جەخت لەسەر گەشەی ئابوری و ڕاكێشانی خێزانەكان و پێشوازی لە كۆچبەران دەكاتەوە.

هەر لەو چوارچێوەیەدا بۆ قەرەبووكردنەوەی پاشەكشەی ژمارەی كۆچبەران لەمساڵدا، حكومەتی ئۆتاوا بڕیاریداوە مافی مانەوەی هەمیشەیی بداتە كرێكارە كاتییەكان و خوازیارانی مافی پەنابەری و ئەو خوێندكارە بیانییانەی لە وڵاتەكەیدان.

كۆچ بووەتە هۆی گەشە دیمۆگرافی كەنەدا بە ڕێژەی 80% لە ساڵی 2019دا، كە لەئێستادا نزیكەی 38 ملیۆن كەس تیایدا نیشتەجێن.

بابەتی پێشتر

خەڵکی سەردەشت هەرچیان هەبێت دەیفرۆشن و دەڕۆن بەرەو ئەوروپا

بابەتی دواتر

سوپا و حەشد زانیاری دژ بەیەك دەربارەی تەقینەوەكەی موسەننا بڵاودەكەنەوە

بابەتی پەیوەندیدار
زیاتر ببینە

چین: سەربەخۆیی تایوان واتا جەنگ

لە چوارچێوەی زیادبوونی ناكۆكییەكانی دەریای باشووری چین، حكومەتی پەككین هەڕەشەكانی دەربارەی دۆسیەی تایوان چڕدەكاتەوە. وۆ چیان، وتەبێژی وەزارەتی…
زیاتر ببینە

مۆسكۆ هەڕەشە لە ئەوروپا دەكات

وەزارەتی دەرەوەی ڕوسیا هەڕەشە لە ئەوروپا دەكات، لەبارەی ئەو سزایانەی لەلایەن هەندێك وڵاتەوە بەهۆی كەیسی ناڤالنی ڕوبەڕووی بەرپرسانی…
Total
0
Share