وەزیری بەرگریی ئەمریکا پشتیوانیی خۆی بۆ پێشمەرگە دووپاتدەکاتەوە

لە کۆبوونەوەی نێوان مەسرور بارزانی، سەرۆکی حکومەت و لۆید ئۆستن وەزیری بەرگریی ئەمریکا، ئەو بەرپرسە ئەمریکییە پشتیوانیی خۆی بۆ هێزەکانی پێشمەرگە دووپاتکردووەتەوە.

لە پەراوێزی کۆڕبەندی دایەلۆگی مەنامە لە بەحرەین، وەزیری بەرگریی ئەمریکا و مەسرور بارزانی سەرۆكی ئەنجومەنی وەزیرانی هەرێمی كوردستان کۆبوونەوە و لە کۆبوونەوەکەدا چەند تەوەرێکی وەک شەڕی دژی داعش و ڕێککەوتنی شەنگال و دیالۆگی ستراتیجی ئەمریکا و عێراق گفتوگۆیان لەبارەوە کرا.

لۆید ئۆستن وەزیری بەرگریی ئەمریکا، جەختی لەوە کردەوە کە هەرێمی کوردستان، هاوبەش و هاوپەیمانێکی گرنگی ویلایەتە یەکگرتووەکانی ئەمەریکایە لە ناوچەکەدا و دووپاتیشیکردەوە کە ئەمریکا، بەردەوامدەبێت لە پشتگيریکردنی هەرێمی کوردستان و بەتایبەتی هێزی پێشمەرگە لە ڕووبەڕووبوونەوەی داعش.

سەرۆکی حکومەتی هەرێمی کوردستان، سوپاسی پشتیوانیی بەردەوامی ئەمریکای کردووە و جەختیشی لە گرنگیی چارەسەرکردنی کێشەکانی نێوان هەرێمی کوردستان و حکومەتی فیدراڵی و هەبوونی هاوئاهەنگیی ئەمنی لە ناوچە کوردستانییەکانی دەرەوەی ئیدارەی هەرێم کردووەتەوە .

بەپێی ڕاگەیەندراوێکی حکومەتی هەرێم، دایەلۆگی ستراتیژیی ئەمریکا و عێراق و گرنگیی جێبەجێکردنی ڕێککەوتننامەی شنگال، تەوەرێکی دیکەی گفتوگۆکانی کۆبوونەوەکە بوون.

بابەتی پێشتر

ئێران و پاكستان ڕێككه‌وتنى گۆڕینه‌وه‌ى نه‌وت به‌رامبه‌ر برنج ده‌كه‌ن

بابەتی دواتر

گروپێكی حەشدی شەعبی هەڕەشەی شەڕكردن لەگەڵ ئەمریكا دەكات و كاتژمێری سفری دەستنیشانكرد

بابەتی پەیوەندیدار
زیاتر ببینە

یەکێتی و پارتی كۆدەبنەوە

دوای ئەوەی شاندی پارتی دیموکراتی کوردستان گەیشتە بارەگای مەکتەبی سیاسیی یەکێتیی نیشتمانیی کوردستان و کۆبوونەوەی ئەو دوو لایەنە…
Total
0
Share