ئێران و پاكستان ڕێککەوتنی گۆڕینەوەی نەوت بەرامبەر برنج ده‌كه‌ن تا هه‌ردوولا بتوانن خۆیان لە سزا سەپێندراوەکان بۆ سەر سیستەمی دارایی و بانکی ئێران بپارێزن.
به‌پێی هه‌واڵی میدیاكانى ئێران، وڵاته‌كه‌ى له‌گه‌ڵ پاكستان ڕێككه‌وتنێكى واژووكردووه، تا هه‌ردوولا بتوانن خۆیان لە سزا سەپێندراوەکان بۆ سەر سیستەمی دارایی و بانکی ئێران بپارێزن.
هاوکات عەبدولرەزاق داود، وەزیری بازرگانی پاکستان ڕایگه‌یاندووه، لەگەڵ تاران گەیشتوونەتە ڕێککەوتن بۆ گۆڕینەوە نەوت بەرامبەر برنجی پاکستانی.
مامەڵەی بازرگانی گۆڕینەوەی کاڵا بە کاڵا، مامەڵەیەکی کۆنی مرۆڤایەتییە، ئێرانیش بەهۆی سزاکانی ئەمه‌ریکا بۆ سەر وڵاته‌كه‌ى دەیەوێت خۆی لە دۆلار بپارێزێت و ڕاستەوخۆ بەرهەم و بەروبوومەکانی لەگەڵ وڵاتانی دیکە ئاڵوگۆڕ بکات، لە ماوەکانی ڕابردووش لەگەڵ ڤەنزوێلا لەسەر گۆڕینەوەی نەوت بەرامبەر سوتەمەنی ڕێککەوتن.
