بەڕێوەبەرایەتی پۆلیسی کەرکوک ڕایگەیاند، سێ کەسیان وەک بکوژی ژن و پیاوەکەی ڕووداوەکەی دوێنێ دەستنیشانکردووە و کەسێک لەوان دەستگیرکراوە.
پەیامنێری تۆڕی میدیایی ئێستا لە کەرکوک ڕایگەیاند، یەکێک لەو کەسانەی پۆلیس تۆمەتباری کردووە بە کوشتنی ئەو ژن و مێردە خەڵکی گەڕەکی ڕاپەڕینی شاری کەرکوکە و دەستگیرکراوە، دوو کەسی دیکە، کە دانیشتووی شاری بەغدادن، تۆمەتبارن لە ڕووداوی کوشتنەکەدا و فەرمانی دەستگیرکردنیان هەیە.
دوێنێ لە یەكێك لە گەڕەكەكانی شاری كەركوك ژن و پیاوێك لەنێو ماڵەكەیاندا بە كوژراوی دۆزرانەوە.
ڕووداوەكە لە گەڕەكی شۆراو لە كەركوك بوو، و تەرمی هەردوو قوربانییەكە (ع. ف.) و (ن. ب.) لەنێو ماڵەكەی خۆیاندا دۆزراونەتەوە.
پۆلیسی کەرکوک ئەوکات ڕایگەیاند، تاوانەكە لەلایەن ژمارەیەک کەسەوە کە وەک چەکدار دەرکەوتوون ئەنجامدراوە.
