‏ئەتۆمیی نێودەوڵەتی: یۆرانیۆمی پیتێنراوی ئێران نزیكە لە دەستگەیشتن بە چەكی ئەتۆمی

ئاژانسە نێودەوڵەتییەكە ئەمباری ئێران لە یۆرانیۆمی بە 2489.7 كیلۆگرام ‏خەمڵاندووە

ئاژانسی نێودەوڵەتیی وزەی ئەتۆم دەڵێت، ئێران بەردەوامە لە پێشێلكردنی ژمارەیەك لە ‏بەندەكانی ڕێككەوتنی ئەتۆمیی ساڵی 2015 دەربارەی ئاستی پیتاندنی یۆرانیۆم و قەبارەی ‏ئەمباركردنی.‏

ئاژانسەكە لە ڕاپۆرتی ساڵانەیدا دەڵێت، ئێران بەڕێژەیەكی زۆر ئەمباركردنی یۆرانیۆمی ‏پیتێنراوی لە ئاستی باڵا زیادكردووە.‏

بەپێی هەڵسەنگاندنەكانی ئاژانسی نێودەوڵەتیی وزەی ئەتۆم، ئەمباری ئێران لە شەشینەی ‏فلۆریدی یۆرانیۆمی پیتێنراو (سداسي فلوريد اليورانيوم) بە پلەی 60% نزیكەی 17.7 ‏كیلۆگرامە (بەرامبەر 10 كیلۆگرام لە كۆتایی ئابی ڕابردوو)، كە نزیك دەبێتەوە لە ئاستی ‏خواستراو بۆ بەرهەمهێنانی چەكی ئەتۆمی.‏

هەر بەپێی ڕاپۆرتەكە، ئێران لە ئێستادا نزیكەی 113.8 كیلۆگرام لە شەشینەی فلۆریدی ‏یۆرانیۆمی لە جۆری ‏UF6‎‏ هەیە، بە ڕێژەی پوختەیەك كە دەگاتە 20%، (بەرامبەر 84.3 ‏كیلۆگرام لە ئابی ڕابردوودا)، سەرەڕای 34.2 كیلۆگرام لە یۆرانیۆمی پیتێنراو بە ڕێژەی ‏پوختەی تا 20% لە شێوەی پێكهاتەی دیكە.‏
‏ ‏
بە كۆی گشتی ئاژانسە نێودەوڵەتییەكە ئەمباری ئێران لە یۆرانیۆم بە 2489.7 كیلۆگرام ‏خەمڵاندووە، كە چەندین هێندەی ئەو سنوورەیە كە لە ڕێككەوتنی ئەتۆمیدا دیاریكراوە.‏

لە بەشێكی دیكەی ڕاپۆرتەكەدا هاتووە، ئێران تائێستا ڕێگری لە پشكنەرانی نێودەوڵەتی ‏دەكات بۆ گەیشتنە وەرشەكانی تایبەت بە پێكهاتەكانی ناوەندە ئەتۆمییەكان لە پێگەی ‏ئەتۆمی كەرەج، هەروەك نیگەرانیی ئاژانسەكەشی نیشانداوە دەربارەی ‏ڕووبەڕووبوونەوەی پشكنەران بە “پشكنینێكی جەستەیی چڕوپڕ” لەلایەن كارمەندانی ‏ئەمنیی وێستگە ئەتۆمییەكانی ئێران.‏

بابەتی پێشتر

دەربارەی كۆچبەران ڕوسیا داوای گفتوگۆی نێوان بیلاڕوسیا و ئەوروپا دەكات

بابەتی دواتر

كازمی بە پشتیوانیی پێشمەرگە هەڕەشەی لەناوبردنی "دوژمنی یەكەم"ی عێراق دەكات

بابەتی پەیوەندیدار
زیاتر ببینە

سوریا و سعودیە رێككەوتن

سوریا و سعودیە رێككەوتن جارێكی دیكە باڵیۆزخانەكانیان لە پایتەختی وڵاتەكانیان بكەنەوە. ئەمڕۆ پێنجشەممە، ئاژانسی هەواڵی رۆیتەرز بڵاویكردووەتەوە، حكومەتی…
Total
0
Share