بەڕێوەبەرایەتیی هاتوچۆی هەولێر ڤیدیۆی ڕووداوێکی بڵاوکردەوە کە تێیدا ئۆتۆمبێلێک منداڵێک دەشێلێت و بەهۆیەوە گیانلەدەستدەدات ڕاشیگەیاندووە، شۆفێرەکە دەستگیرکراوە.
فازڵ حاجی وتەبیژی بەڕێوەبەرایەتیی هاتوچۆی هەولێر ڕایگەیاند، لەکاتژمێر 4:56 خولەکی ئێوارەی دوێنێ ڕووداوەکە ڕوویداوە، لەکاتێکدا منداڵێک ویستوویەتی لە شەقامێک بپەڕێتەوە لەلایەن ئۆتۆمبێلەکەوە شێلراوە.
ڕووداوەکە لە قەزای بنەسڵاوەی سەربە پارێزگای هەولێر بووە و بەهۆیەوە منداڵەکە گیانیلەدەستداوە و شۆفێرەکەش لەلایەن پۆلیسی هاتوچۆی هەولێرەوە وەک هۆکاری سەرەکیی ڕووداوەکە دانراوە.
