لە بەغداد ژنێك دەستگیركرا، ویستوویەتی گورچیلەی كچەكەی بفرۆشێت بەرامبەر 10 ملیۆن دینار.
وەزارەتی ناوخۆی عێراق لە ڕاگەیەندراوێكدا بڵاویكردەوە، هێزێكی بەڕێوەبەرێتیی بەرەنگاربوونەوەی تاوان لە بەغداد فەرمانی دەستگیركردنی ژنێكی جێبەجێكردووە، كە تۆمەتبارە بە بازرگانیكردن بە ئەندامەكانی جەستەی مرۆڤەوە.
وەزارەتەكە ئاشكرایكردووە، ژنە دەستگیركراوەكە ڕێككەوتنی كردووە بۆ فرۆشتنی گورچیلەی كچەكەی “بە كەسێكی نەناسراو لە یەكێك لە پارێزگاكانی باكووری عێراق بە بڕی 10 ملیۆن دیناری عێراقی”.
پرۆسەكە دوای بوون و دەستكەوتنی زانیاری لە “سەرچاوە نهێنییەكانەوە” ئەنجامدراوە، ژنە تۆمەتبارەكەش لە لێكۆڵینەوەكاندا دانی بە تاوانەكەیدا ناوە.
