وەزارەتی سامانە سروشتییەکان نرخی جێگیر بۆ فرۆشتنی بەنزین بە پاسەکان دادەنێت

لە هەولێر و سلێمانی و دهۆک بەنزینخانە بۆ ئەو مەبەستە دیاریکراون

وەزارەتی سامانە سروشتییەکانی هەرێمی کوردستان نرخی فرۆشتنی بەنزینی بە پاسەکانی هێڵی گشتی دیاریکردووە و لەهەر پارێزگایەکیش بەنزینخانەیەکی بۆ ئەو مەبەستە دیاریکردووە.

لە ڕاگەیەندراوێکدا فەرمانگەی میدیا و زانیاریی حکومەتی هەرێمی کوردستان ئاشکرایکرد، “بەمەبەستی چارەسەرکردنی کێشەی گرانبوون و کەمیی بەنزین و ڕەچاوکردنی دۆخی خانەوادە کەم دەرامەتەکان، وەزارەتی سامانە سروشتییەکان بڕیاری دا لە ھەریەکێک لە پارێزگاکانی ھەولێر و سلێمانی و دھۆک، بەنزینخانەیەک بۆ پاسەکانی ھێڵی گشتی دیاری بکرێت بۆ دابەشکردنی بەنزین”.

وەزارەتی سامانە سروشتییەکان بەبێ ئەوەی ئەو نرخە ئاشکرا بکات کە بەنزینی پێدەفرۆشرێت بە پاسەکانی هێڵی گشتی ئاماژەی بەوەکردووە، بەنزین لەو بەنزینخانانە بەو نرخە دابەشدەکرێت کە وەزارەت دیاریدەکات.

ئەو بەنزینخانانەی دیاریکراون بۆ دابەشکردنی بەنزین بەسەر پاسەکانی هێڵی گشتی:

– ھەولێر: بەنزینخانەی یاسەمین لە شەقامی ١٠٠ مەتری، تەنیشت فاملی مۆڵ.

– دھۆک: بەنزینخانەی چیا لە شەقامی ئامەد، نزیک بەڕێوەبەرایەتی گومرگ.

– سلێمانی: بەنزینخانەی گروپی ھەڵەبجە، تەنیشت فاملی مۆڵ.

بابەتی پێشتر

سەرۆكایەتیی پەرلەمان و سەرۆك فراكسیۆنەكان كۆدەبنەوە

بابەتی دواتر

ئەمریكا: لە ڕۆژهەڵاتی ناوەڕاست ناكشێینەوە و خۆمان لەگەڵ ڕەوشی نوێ دەگونجێنین

بابەتی پەیوەندیدار