دوێنێ پێنجشەممە، لە دوو ڕووداوی جیاوازدا لە شاری هەولێر و قەزای چەمچەماڵ، دوو کەس بە چەقۆ کوژراون.
لەبارەی ڕووداوەکەی شاری هەولێر، پۆلیسی هەولێر دەڵێت، “شەوی ڕابردوو، تەرمی ژنێک بە کوژراوی لە ماڵەکەی خۆیدا دۆزراوەتەوە، کە دەرکەوتووە بە چەقۆ کوژراوە”.
پۆلیسی هەولێر ئاشكرایکردووە، “ژنە کوژراوەکە ناوی (ئاورینگ عومەر عوسمان) بووە و تەمەنی 41 ساڵ بووە”.
لە ڕووداوێکی هاوشێوەدا، شەوی ڕابردوو لە تەکیەی کاکەمەندی سەر بە قەزای چەمچەماڵ، کەسێک بە چەقۆ زاواکەی خۆی کوشتووە.
بەپێی زانیارییەکانی پۆلیس، دوای دروستبوونی دەمەقاڵێ، بکوژەکە مێردی خوشکەکەی خۆی بە چەقۆ کوشتووە.
