وتەبێژی بەڕێوەبەرایەتیی هاتوچۆی هەولێر ڕایگەیاند، بەرەبەیانی ئەمڕۆ هەینی، لەسەر ڕێگای سەرەکیی هەولێر – مەخمور ئۆتۆمبێلێک لە سێ کەسی داوە و کوشتوونی، کە دایکێک و دوو کچەکەی بوون.
فازڵ حاجی، وتەبێژی هاتوچۆی هەولێر ڕایگەیاند، “لەسەر ڕێگای سەرەکیی هەولێر – مەخمو، لەنزیک گردی پیرداود، ئۆتۆمبێلێکی نەناسراو سێ کەسی شێلا کە دایکێک و دوو کچ بوون و هەرسێکیان گیانیان لەدەستداوە، دوای ڕووداوەکەش شۆفێری ئۆتۆمبێلەکە ڕایکردووە”.
شایەتحاڵانی ڕووداوەکە ئاشكرایدەکەن، دوو ئۆتۆمبێل پێشبڕکێیان کردووە و یەکێک لە ئۆتۆمبێلەکان خۆی کێشاوە بەو سێ کەسەدا.
ڕوونیدەكەنەوە، بەهۆی ئەوەی شوێنی ڕووداوەکە دووربووە لە بنکەی تەندروستییەوە، تیمەکانی فریاکەوتن درەنگ گەیشتوونەتە شوێنی ڕووداوەکە.
