نرخی نەوت لەبازاڕەكانی جیهان دابەزی و هەر بەرمیلێك نەوتی برێنت نزیكەی سێ دۆلار لە نرخەكەی كەمبووەوە.
بەیانی ئەمڕۆ پێنجشهممه، لەگەڵ كردنەوەی بازاڕەكاندا نرخی بەرمیلێک نەوتی خاوی برێنت بە 83.55 دۆلار مامەڵەی پێوەكرا، لەكاتێكدا دوێنێ نرخەكەی نزیك بوو لە 86 دۆلار.
هاوکات نرخی بەرمیلێک نەوتی خاوی ئەمریکاش بە 81 دۆلار مامەڵەی پێوەكرا، دوێنێ چوارشهممه به 83 دۆلار بوو.
ئاژانسی ڕۆیتەرز هۆكاری دابەزینی نرخی نەوتی بۆ ئەوە گەڕاندەوە، كە بڕی عەمباركراوی نەوتی ئەمریكا بەرزبووەتەوە، هەروەها حاڵەتەكانی توشبوون بە كۆرۆنا لە ئەوروپا، ڕوسیا و چین زیادیكردووە.
