نەتەوە یەكگرتووەكان: 48 ملیۆن كەس لە جیهاندا بەهۆی ململانێكانەوە ئاوارەن

هۆشداری لە زیادبوونی ژمارەكە دەدرێت

بەرپرسێكی نێودەوڵەتی تایبەت بە كاروباری ئاوارەبووان دەڵێت، ژمارەی ئاوارەبووان بەهۆی ململانێ چەكدارییەكانەوە لە جیهاندا دەگاتە 48 ملیۆن كەس، ئەمەش ژمارەیەكی پێوانەیی نوێیە.

سیسیلیا هیمینس داماری، بڕیاردەری نەتەوە یەكگرتووەكان بۆ كاروباری ئاوارەبووان ئەو زانیارییەی لە دانیشتنی لیژنەی سێیەمی كۆمەڵەی گشتیی نەتەوە یەكگرتووەكان خستەڕوو و ڕایگەیاند، گەورەترین ئاماژەیە كە تائێستا تۆماركرابێت.

زیادبوونی ژمارەی ئاوارەبووان “لە سایەی دۆخێكی دژواری ململانێی چەكداری و توندوتیژی بەرفراوانە كە تادێت زیاددەكات و تیایدا زامنی ڕەچاوكردنی ئەحكامەكانی یاسا مرۆییە نێودەوڵەتییەكان و مافەكانی مرۆڤ ئەستەمە” وەك ئەوەی بەرپرسە نێودەوڵەتییەكە دەیڵێت.

ئەوەشی خستەڕوو، حاڵەتەكانی ململانێ و توندوتیژی لە جیهاندا پێدەچێت زیاتربێت بەهۆی كارەساتە سروشتییەكان كە دەبێتەهۆی ئاوارەبووانی دانیشتووان، هەروەها بەهۆی ئەو پەتایەی لە سەرەتای ساڵی 2020ەوە سەریهەڵداوە.

بابەتی پێشتر

لە سەڵاحەدین داعش هێرشیكردە سەر پۆلیسی فیدراڵی

بابەتی دواتر

ئامانجی هێزكۆكردنەوەكەی توركیا لە سنووری ڕۆژئاوای كوردستان چییە؟

بابەتی پەیوەندیدار
زیاتر ببینە

بەرپرسێكی وهان دادگایی دەكرێت

چین بڕیاریدا بە دادگاییكردنی جێگری سەرۆكی شارەوانیی وهان، ئەو شارەی كە پەتای كۆرۆنای تێدا بڵاوبووەوە بە جیهاندا. بەگوێرەی…