تایبەت بە گرتنەبەری ڕێكارەكانی خۆپارێزی لە ناوەندەكانی خوێندن، وەزارەتی پەروەردەی هەرێم شەش بڕیاری نوێی دەركرد.
وەزارەتەكە ئەمڕۆ بە نوسراوێك كە ئاراستەی بەڕێوەبەرایەتیی گشتیی پەروەردەی شارەكانی كردووە ڕێنماییەكانی خستووەتەڕوو و تیایدا هاتووە، پێویستە ڕێكارەكانی خۆپارێزی لە بەستنی ماسك پەیڕەوبكرێت و سەرجەم مامۆستایان و خوێندكاران ماسك ببەستن.
دەشڵێت، سەرجەم مامۆستایان و فەرمانبەران، هەروەها ئەو خوێندكارانەی تەمەنیان سەرووی 18 ساڵە پێویستە تا 1ی كانونی یەكەمی ئەمساڵ خۆیان بە ڤاكسینی كۆرۆنا بكوتن.
دەقی بڕیارەكان:
