هێزی بەرگریی بەحرەین لە ڕاگەیەندراوێکی بەپەلەدا ئاشکرایکرد کە سیستمی بەرگریی وڵاتەکەیان توانیویەتی ژمارەیەک مووشەک و فڕۆکەی بێفڕۆکەوانی ئێرانی لە ئاسماندا ڕاگرێت و بە تەواوی تێکیان بشکێنێت.
بەگوێرەی زانیارییەکان، ئەو هێرشە ئاسمانییانە بە مەبەستی پێکانی ناوچە و شوێنە مەدەنییەکانی ناو خاکی بەحرەین ئاڕاستە کرابوون، بەڵام پێش ئەوەی بگەنە ئامانجەکانیان و زیانی گیانی یان ماددی لێبکەوێتەوە، لەلایەن هێزە بەرگرییەکانەوە پووچەڵکراونەتەوە.
ئەم پێشهاتە سەربازییە لە کاتێکدایە کە ناوچەکە گرژییەکی توندی ئەمنی بەخۆیەوە دەبینێت و ئامادەباشی هێزە چەکدارەکانی بەحرەین بۆ ڕووبەڕووبوونەوەی هەر هەڕەشەیەکی دەرەکی خراوەتە بەرزترین ئاست.
