ئەمریکا و وڵاتانی ئەوروپا بەرامبەر تورکیا نەرمییان نواند

گردبوونەوەی لایەنگرانی حکومەتی تورکیا لەبەردەم باڵیۆزخانەی ئەمریکا

دوای كاردانەوەی توندی توركیا بەرامبەر باڵیۆزانی 10 وڵات و ناوهێنانیان بە ووشەی نەشیاو لەلایەن ڕەجەب تەیب ئەردۆغانەوە، بەشێك لەو وڵاتانە، كە ئەمریکا و كەنەدا و چەند وڵاتێكی دیكەی تێدایە، نەرمییان نواند.

ئەمریکا، کەنەدا، هۆڵەندا، نیوزلەندا، سوید، دانیمارک و فینلەندا لە بەیاننامەیەکی هاوبەشەدا پابەندیی خۆیان بە یاسا نێودەوڵەتییەکانەوە دووپاتکردووەتەوە و ڕەتیدەكەنەوە دەستوەردان لە کاروباری ناوخۆی وڵاتاندا بكەن.

لە بەیاننامەیەکدا ئەو وڵاتانە ڕایانگەیاندووە، پابەندن بە یاسا نێودەوڵەتییەکانەوە و دەستوەردان لە کاروباری ناوخۆی وڵاتان ڕەتدەکەنەوە.

هاوکات ڕەجەب تەیب ئەردۆغان، سەرۆک کۆماری تورکیا پێشوازی لەو بەیاننامەیە کردووە و بڕیارەكانی بۆ كاردانەوە بەرامبەر ئەو دیپلۆماتكارانە وەستاندووە.

گرژییەکانی ئەم دواییەی نێوان تورکیا و ئەو 10 وڵاتە، لە 19 ساڵی ڕابردووی تورکیا و سەردەمی دەسەڵاتی پارتی داد و گەشەپێداندا هێندە توند نەبووە.

ئاژانسە هەواڵییەکانی تورکیا، وەک “ئەنادۆڵۆ” و “TRT ” بەیاننامەکەی وڵاتانی ئەوروپا و ئەمریکایان وەک پەشیمانبوونەوە لە قسەکانی پێشتریان بڵاوکردووەتەوە.

دوای بڵاوکردنەوەی بەیاننامەکە، ئەڵمانیا و فەرەنسا هیچ وتەیەکیان لەو بارەیەوە نەداوە و بە بڵاونەکردنەوەی بەیاننامەکەش دەردەکەوێت ئەو دوو وڵاتە لەگەڵ ئەو نەرمینواندنەدا نین بەرامبەر تورکیا.

ناکۆکیی نێوان ئەو 10 وڵاتە و توركیا دوای بەیاننامەیەکی پێشووی ئەو وڵاتانە بوو، سەبارەت بە ئازادی و مافی مرۆڤ و ئازادکردنی زیندانیکراوان، بەتایبەت قسەكردن لەسەر “عوسمان کاڤالا”، کە چالاکێکی مەدەنی و سەرمایەدارە و لە ساڵی 2017وە لەلایەن دەسەڵاتدارانی تورکیاوە دەستگیرکراوە بەتۆمەتی بەشداریكردنی لە كودەتاكەی ساڵی 2016.

بابەتی پێشتر

کەرکوک.. لە ڕووداوێکی هاتوچۆدا سێ کەس گیانیان لەدەستدا

بابەتی دواتر

ڕاپۆرتێکی نێودەوڵەتی: لەساڵی ڕابردوودا ئێران زیاتر لە 250 کەسی لەسێدارەداوە

بابەتی پەیوەندیدار
زیاتر ببینە

یەكێتی ئەوروپا: هێرشەكەی ئێران بۆسەر كەشتییە نەوتهەڵگرەكەی ئیسرائیل جێگای قبوڵكردن نیە

یه‌كێتی ئه‌وروپا ڕایدەگەیەنێت، “ته‌واوی به‌ڵگه‌كان به ‌ڕوونی دەیسەلمێنن، هێرشی سه‌ر كه‌شتییه‌ نه‌وتهه‌ڵگه‌ره‌كه‌ی ئیسرائیل له‌ كه‌ناراوه‌كانی عوممان له‌لایه‌ن ئێرانه‌وه‌…
زیاتر ببینە

كۆمكاری عەرەبی: ئۆپەراسیۆنەكەی توركیا دوژمنكارییە بۆ سەر سەروەریی عێراق و ڕەتیدەكەینەوە

ئەمینداری گشتیی كۆمكاری عەرەبی سەركۆنەی هێرشە سەربازییەكانی توركیا بۆ سەر هەرێمی كوردستان دەكات و دەڵێت، ئۆپەراسیۆنە سەربازییەكە پەیوەندییەكانی…
Total
0
Share