هەوڵێكی دزەپێكردنی ماددەی هۆشبەر لەڕێگەی فڕۆكەی بێفڕۆكەوانەوە لەنێوان سوریا و ئوردن، لەلایەن هێزەكانی وڵاتی دووەمەوە پووچەڵكرایەوە.
ئاژانسەكان لەسەر زاری سەرچاوەیەكی سەربازیی ئوردنەوە بڵاویانكردەوە، لەڕێگەی چاودێری و بەدواداچوون توانیویانە فڕۆكەكە كۆنتڕۆڵبكەن و بیخەنە خوارەوە.
وتیشی، “دوای خستنەخوارەوەی فڕۆكەكە، پشكنینی ناوچەكە ئەنجامدراوە و بڕێك ماددەی هۆشبەر دۆزراوەتەوە”، بەڵام ئاماژەی بە بڕەكەی نەكرد.
لە كۆتایی ئابی ڕابردووشدا هێزەكانی سوپای ئوردن هەوڵێكی دزەپێكردنی “بڕێكی زۆری” ماددەی هۆشبەریان پووچەڵكردەوە كە لە سوریاوە ڕەوانە كرابوو.
