بۆ ڕۆژی سێیەم لەسەر یەك خۆپیشاندان و ناڕەزایی دژی ئەنجامەكانی هەڵبژاردن ئەنجامدرا، لە بەغداد خۆپیشاندەران چوونە نزیك ناوچەی سەوز و خێمەیان هەڵدا.
جگە لە ناوچەی سەوزی بەغداد، لە هەریەك لە پارێزگاكانی بەسڕە و سەڵاحەدین خۆپیشاندان ئەنجامدرا و خۆپیشاندەرانی سەڵاحەدین چوونە بەردەم بارەگای كۆمسیۆن و ناڕەزایی خۆیان بەرامبەر بە ئەنجامەكانی هەڵبژاردن دەربڕی.
دوای ڕاگەیاندنی ئەنجامە بەراییەكانی هەڵبژاردن، زۆربەی لایەنە شیعییەكان ناڕەزایی خۆیان لە ئەنجامە بەراییەكان ڕاگەیاند و ئەو ئەنجامانە ڕەتدەكەنەوە.
