لە ڕوویداوێكی هاتوچۆدا لەسەر ڕێگای نێوان موسڵ – گەیاره نۆ كەس گیانیان لەدەستدا.
پەیامنێری تۆڕی میدیایی ئێستا گواستیەوە، دوای نیوەڕۆی ئەمڕۆ سێشەممە بەهۆی ڕووداوێكی هاتوچۆ لەسەر ڕێگای نێوان موسڵ – گەیاره، نۆ كەس گیانیان لەدەستدا.
وتیشی، ڕووداوەكە لەنێوان دوو ئۆتۆمبێلی جۆری ئۆپڵ-دا ڕوویداوە و تەواوی سەرنشینانی هەر دوو ئۆتۆمبێلەكە، كە نۆ كەس بوون، گیانیان لەدەستداوە.
شەقامەكە یەك ئاراستەیە و ئۆتۆمبێلەكان لە ئاراستەی خۆیان لایانداوە، ئەوەش بووەتە هۆی ڕووداوە هاتوچۆكە و كەوتنەوەی ئەو ژمارە قوربانییە.
