بەوێنە.. مەحمود ئەحمەدی نەژاد لەگەڵ كەسایەتییەكی ئیسرائیلی لە ئیمارات كۆبووەتەوە

بەشێك لە چالاكوانان و بەكارهێنەرانی تۆڕە كۆمەڵایەتییەكان دەڵێن، “مەحمود ئەحمەدی نەژاد سەرۆكی پێشووتری ئێران، سەردانی بەشی ئیسرائیلی لە پێشانگەی ئێكسپۆ دوبەی 2020 كردووە”.

بەپێی وتەی ئەوان، مەحمود ئەحمەدی نەژاد كە بە توندڕەوترین سەرۆكی ئێران بەرامبەر بە ئیسرائیل ناوزەدیانكردووە، لەگەڵ وتەبێژی بەشی ئیسرائیل لە پێشانگەكەدا كۆبووەتەوە و وێنەی هەردوو كەسایەتییەكەشیان بڵاوكردووەتەوە.

لەبەرامبەردا لایەنگرانی مەحمود ئەحمەدی نەژاد هەواڵەكە ڕەتدەكەنەوە و باس لەوە دەكەن كە نووسینگەی میدیایی ناوبراو، ڕەتیكردووەتەوە سەرۆكی پێشووتری ئێران سەردانی بەشی ئیسرائیلی لە پێشانگەی ئێكسپۆ دوبەی 2020 كردبێت.

هاوكاتی ئەم هەواڵە، ئاژانسی هەواڵی فارس بڵاویكردەوە، ئێوارەی دوێنێ دووشەممە مەحمود ئەحمەدی نەژاد ئیمارات-ی بەجێهێشتووە و گەڕاوەتەوە بۆ تاران، دوای ئەوەی دەسەڵاتدارانی ئیمارات ڕێنماییانكردووە بەپەلە وڵاتەكەیان بەجێبهێڵێت.

بابەتی پێشتر

بەدەل بەرواری ئازاددەكرێت و ئومێد بەرۆشكی لەزیندان دەمێنێتەوە

بابەتی دواتر

تەندروستیی سلێمانی: لە بۆماوەییەوە خەڵکی ڕاپەڕین بەرگرییان بەرامبەر کۆرۆنا لاوازە

بابەتی پەیوەندیدار
Total
1
Share