فێرگەی پاییزە لە شاری بۆکانی ڕۆژهەڵاتی کوردستان، گۆرانییەکی دیکەی بۆ “ژیار قوڕەیشی” بەرهەمهێنا، کە بەرهەمێکی نەتەوەییە بە ناوی “زمانی کوردی”.
گۆرانییەکە ئاوازی فۆلکلۆرە و “ژیار قوڕەیشی” و ” نونا تەیموری” پێکەوە دەیڵێن، لەگەڵ گروپێکی میوزیکی تێکەڵ لە منداڵانی بەرهرەمەند و ئەندامانی فێرگەی پاییزە.
میلۆدیی گۆرانییە نوێیەکەی “ژیار قوڕەیشی” ئارام تیگران دایناوە و دابەشکردن و ئۆركێسترەكەی، کاری فەرهاد مەحموود زادەن.
فێرگەی میوزیكی پاییزە، فێرگەیەکی فرەچەشنی میوزیكییە لە شاری بۆکانی ڕۆژهەڵاتی کوردستان، فێرگەکە گرنگی بە میوزیكی فۆلکلۆر و ئێرانی و ڕۆژئاوا و هونەری منداڵان دەدات، لەلایەن چەند هونەرمەندێکی شاری بۆکانەوە سەرپەرشتی دەکرێت.
فێرگەی میوزیکی پایزە، سەرەتاییەتی و دەیەوێت لە ئایندەیەکی نزیکدا ئەگەر ڤایرۆسی کۆرۆنا ڕێگەبدات، کۆنسێرتێک سازبکەن و زیاتر خۆیان بە هونەرمەندان و هونەردۆستانی کورد بناسێنن.
