قائیمقامی سلێمانی ڕایدەگەیەنێت، ههر خوێندنگهیهك پاره له كۆمپانیاكان وهربگرێت ڕێكاری یاسایی لهگهڵ دهگیرێتهبهر.
بەپێی ڕاگەیەندراوێكی قائیمقامیەتی سلێمانی، “دوای ئەوەی بۆماوەیەک گردبوونەوەیەکیان ئەنجامدا و داواکارییەکانیان خستەڕوو، شۆفێرانی پاسەكانی ناوشار لەگەڵ قائیمقامی سلێمانی کۆبوونەوە و باسیان لە کێشەکانی سوتەمەنی و داواکاریی ئیدارەی خوێندنگە و قوتابخانەکان کرد، کە قورسایی لەسەر کۆمپانیاکان و خێزانی خوێندنکارانیش دروستکردووە”.
بۆیە قائیمقامی سلێمانی هۆشدارییدا، هەر خوێندنگەیەک پارە لە کۆمپانیاکانی گواستنەوە وەربگرێت، ڕێکاری یاسایی لەگەڵ ئیدارەکەی و کۆمپانیاکەش دەگیرێتەبەر، هەروەها هەموو پاسەکان دەبێت مەرجە یاساییەکانیان تێدابێت و کۆمانیاکانیش مۆڵەتی یاساییان هەبێت.
قائیمقامی سلێمانی بڕیاریشیدا، هەر کۆمپانیایەک یان شۆفێرێک سەرپێچیکرد، دوای ئاگادارکردنەوە و پابەندنەبوون، کارەکەی لێوەردەگیرێتەوە و بەشێوەی تەندەر دەدرێت بە کۆمپانیایەكی دیكە، دووپاتیشكراوەتەوە، ڕێکاری یاسایی بەرامبەر هەرکەسێک دەگرێتەبەر کە سەرپێچی بکات.
