بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان پێشبینییەکانی کەشوهەوای چەند ڕۆژی داهاتووی بڵاوکردەوە و بەپێی پێشبینییەکان ڕۆژی دووشەممە باران دەبارێت.
کەشناسیی هەرێم سەبارەت بە پلەکانی گەرما بڵاویکردووەتەوە، ڕۆژانی یەکشەممە و دووشەممە پلەکانی گەرما 5 بۆ 7 پلە دادەبەزن، لەگەڵ ئەوەشدا ئاسمان پەڵە هەور و نیمچەهەور دەبێت.
بەپێی پێشبینییەکانی کەشناسی، ڕۆژی سێشەممە پلەکانی گەرما هەر بە نزمی دەمێننەوە، ئاسمان دەگۆڕێت بۆ نیمچەهەور و هەوری تەواو لەگەڵ بارینی نمەباران و هەورەتریشقە، بەتایبەت لە ناوچە شاخاوییەکانی هەولێر و دهۆک و ئیدارەی ڕاپەڕین.
پێشتر بەڕێوەبەری گشتیی کەشناسی و بومەلەرزەزانیی سلێمانی بە تۆڕی میدیایی ئێستای ڕاگەیاندبوو، وەرزی بارانبارین و بارانی بەخوڕ لە کۆتایی ئەم مانگەوە دەستپێدەکات، بەڵام تا ئەوکاتە پێشبینی دەستپێکردنی بارانبارین دەکەن.
