The Latest

ڤیدیۆ.. جارێکی دیکە مزگەوتێکی شیعەکان لە ئەفغانستان تەقێندرایەوە و کوژراو هەن

لەلایەن بەشدار فەرەج
15/10/2021
0
0
0
0
0
0

وەک هەینیی ڕابردوو، جارێکی دیکە تەقینەوە لەناو مزگەوتێکی شیعەکان لە ئەفغانستان ڕوویدا و بەهۆیەوە چەند کەسێک کوژراون.

تەقینەوەکە لە مزگەوتێکی شیعەکان لە قەندەهار لە باشووری ئەفغانستان ڕوویداوە و بەپێی ڤیدیۆی دوای ڕووداوەکە، چەند کەسێک کوژراون.

بەپێی زانیارییەکان تەقینەوەکە لە مزگەوتێکدا بەناوی “ئیمام بارەگا” لە قەندەهار ڕوویداوە.

تا ئێستا بە تەواوی دیارنییە تەقینەوەکە بە چی ئەنجامدراوە، بەڵام ئاماژەکان بۆ ئەوە دەچن كە تەقینەوەکە لەڕێگەی خۆکوژێکەوە ئەنجامدرابێت.

هەفتەی ڕابردوو لە ڕۆژی هەینی و لەکاتی نوێژی هەینیدا تەقینەوەیەک لە مزگەوتێکی شیعەکان لە قەندوز ڕوویدا و 50 کەس کوژران.

ئەوە جاری یەکەم نییە کە هێرشدەکرێتەسەر پێکهاتەی “هەزارە” لە ئەفغانستان بەهۆی ئەوەی هەزارە شیعە مەزهەبن.

هۆشداریی.. دەکرێت ڤیدیۆکە بۆهەندێک کەس گونجاو نەبێت بۆ سەیرکردن

بابەتی پەیوەندیدار
Total
0
Share
0
0
0
0
0
0