×


کوردی      English
تۆڕی میدیایی ئێستا
تۆڕی میدیایی ئێستا

کورتە فیلمێکی کوردی خەڵاتی باشترین فیلمی فێستیڤاڵی ئەنکەرەی وەرگرت

2020-09-12
وێنەیەک لە فیلمی بارگران
فۆتۆ: google
ئێستا - باکوری کوردستان
ئێستا
کورتە فیلمی بارگران کە لە دەرهێنانی دەرهێنەری کورد یەڵماز ئۆزدیلی خەڵکی باکوری کوردستانە لە 31 هەمین فێستیڤاڵی نێودەوڵەتی ئەنکەرە خەڵاتی باشترین کورتە فیلمی بە دەستهێنا.

بارگران کە لە شاری ماردینی باکوری کوردستان بەرهەم هاتووە چیرۆکی کەسێک بە ناوی ئاودل دەگێڕێتەوە کە کە لەگەڵ خوشکەکەی کە لە کوردستانی سووریاوە گەڕاوەتەوە، هەوڵ دەدەن بنەماڵەکەیان بەڕێوەببەن.

یەڵماز ئوزدیل لەدوای وەرگرتنی خەڵاتەکە لە لێدوانێکدا ڕایگەیاند، ئەمە 22 هەمین خەڵاتە کە بارگران وەریدەگرێت، لە 6 فێستیڤاڵ کە لە ناوخۆی تورکیا بەڕێوە چووە لە چوار فێتستیڤاڵیاندا بارگران خەڵاتی وەرگرتووە و ئەمەش دەیسەلمێنێت دەتوانرێت فیلمێکی کوردی خەڵاتی باشترین لە ناوە و دەرەوەی تورکیا وەربگرێت.

فیلمەکەی ئۆزدیل تا ئێستا لە 87فێستیڤاڵی نێودەوڵەتی و ناوخۆی وەرگیراوە و چاوەڕێدەکرێت خەڵاتی دیکەش بباتەوە.



‌ئێستا