کوردی      English
تۆڕی میدیایی ئێستا
تۆڕی میدیایی ئێستا

(ڤیدیۆ) دێربی مێرسیساید بە یەکسانبوون کۆتاییهات

17/10/2020
لیڤەرپوڵ و ئێڤەرتۆن بە دوو گۆڵ یەکسانبوون
فۆتۆ: گێتی
وەرزشی ئێستا

ئەمڕۆ، شەممە یەکێک لە بەهێزترین ڕوبەڕوبوونەوەکانی هەفتەی پێنجی خولی نایابی ئینگلیزی لە یاریگای گودیسۆن پارک لەنێوان یانەکانی ئێڤەرتۆن و لیڤەرپوڵ ئەنجامدرا و یەکسانبوون باڵی بەسەر ئەنجامەکەدا کێشا.

لە دەستپێکی تایمی یەکەم (خولەکی سێ) سادیۆ مانێ ئەستێرەی یانەی لیڤەرپوڵ گۆڵی یەکەمی تۆمارکرد، ئەم گۆڵەش دەرفەتی بە شین پۆشەکاندا لە زۆرینەی ساتەکانی ئەو تایمەدا بە شێوازی هێرشبەری یاریبکەن و هەوڵی یەکسانکردنەوەی ئەنجامەکە بدەن.

لە خولەکی 19 مایکڵ کین گۆڵی یەکسانکردنەوەی بۆ ئێڤەرتۆن تۆمارکرد، ئەو تایمەش بەو ئەنجامە کۆتاییهات (1-1).

لە تایمی دووەمدا هەمان سیناریۆکان دووبارەبوونەوە، محەمەد سەڵاح لە خولەکی 72 گۆڵی دووەمی لیڤەرپوڵی تۆمارکرد، لە خولەکی 81 دۆمینیک کالڤێرت لیوین ئەنجامەکەی بۆ تۆفیس یەکسانکردەوە.


لەکۆتا ساتەکاندا هەردوو ڕاهێنەر، یۆرگن کلۆپ و کارلۆ ئەنچلۆتی هەوڵیاندا بە گۆڕانکارییەکانیان پێشەنگی بگرن، بەڵام هیچ یەکێک لە هێرشبەران سەرکەوتوو نەبوون لە هەژاندنی تۆڕ و یارییەکە (2-2) یەکسانبوون کۆتاییهات.

بەپێی ئەنجامە تۆمارکراوەکەی ئەمڕۆ، ئێڤەرتۆن بە کۆکردنەوەی 13 خاڵ لە لوتکەی ڕیزبەندی یانەکانی پریمەرلیگ بەردەوامبوو، هەروەها لیڤەرپوڵ ژمارەی خاڵەکانی بۆ 10 خاڵ بەرزکردەوە و بەشێوەیەکی کاتی بۆ پلەی دووەم سەرکەوت.