×


کوردی      English
تۆڕی میدیایی ئێستا
تۆڕی میدیایی ئێستا

ئیسرائیل و ئیمارات لە بواری سینەمادا كاری هاوبەش دەكەن

2020-09-21
ئاڵای ئیسرائیل و ئیمارات
فۆتۆ: Google
ئێستا - ئاژانسەکان
ئێستا
ئیسرائیل و ئیمارات لە هەنگاوێكی هاوبەشدا ڕایانگەیاندووە، لەبواری سینەمایی و بەرهەمهێنانی فیلمدا كاری هاوبەش دەكەن و ڕێككەوتنێك بۆ ئەو مەبەستە واژووكراوە.

ڕۆژنامەی شەرقولئەوسەت ئەمڕۆ دووشەممە 21ی ئەیلول بڵاویكردووەتەوە، لیژنەی ئەبوزەبی بۆ فیلم و سندوقی سینەمای ئیسرائیلی، لەگەڵ ستۆدیۆی "سام شبیگڵ" بۆ سینەما و تەلەفزیۆن لە قودس ڕێككەوتنێكیان كردووە بۆ ئەوەی پێكەوە كاری هاوبەش بكەن.

لەبارەی ڕێككەوتنەكەوە لە ڕاگەیەندراوێكدا ئەوە خراوەتەڕوو، ئەو ڕێككەوتنە پلانی فێستیڤاڵێكی هەرێمی سینەمایی لەخۆ دەگرێت، كە بە خول لە نێوان ئەبوزەبی و ئیسرائیل بەڕێوەدەبرێت.

ئەو هەنگاوە پاش ڕێككەوتنی ئەو دوو وڵاتە دێت بۆ ئاساییكردنەوەی پەیوەندییەكانیان، كە بەرپرسانی هەردوولا باسیان لە گەشەپێدانی سەرجەم بوارەكان كردووەتەوە لە نێوانیاندا.

لە هەنگاوی یەكەمی ڕێككەوتنە هونەرییەكەشدا هاتووە، بۆ ماوەی مانگێك هەردوو وڵات گەشە بە ڕاهێنانەكانیان دەدەن بۆ بەرهەمهێنانی فیلم لە ئیمارات و ئیسرائیل، لەو ڕێیەوە بەرهەمی سینەمایی هاوبەشیان دەبێت.



‌ئێستا