×


کوردی      English
تۆڕی میدیایی ئێستا
تۆڕی میدیایی ئێستا

ڕوسیا هۆشداری دەداتە ئەمریكا و ناتۆ

2020-09-18
ئاڵای ڕوسیا، ئەمریكا و ناتۆ
فۆتۆ: 
ئێستا - جیهان
ئێستا
ڕوسیا هۆشداری دەدات بە ئەمریكا و ناتۆ لە زیادبوونی چالاكییە سەربازییەكانیان لە دەریای ڕەش دا و بەرپرسیارێتیی هەر گرژییەك دەخاتە ئەستۆی ئەوان.

سێرگی رۆدسكۆی، سەرۆكی كارگێڕیی ئۆپەراسیۆنەكان لە فەرماندەیی گشتیی ڕوسیا، ڕایگەیاند، ناتۆ و ئەمریكا لە سەرەتای ئەمساڵەوە چالاكییە سەربازییەكانیان بە ڕادەیەكی زۆر لە ناوچەی دەریای ڕەشدا زیادكردووە.

لە كۆنگرەیەكی ڕۆژنامەوانییدا كە ئەمڕۆ 18ی ئەیلول لە مۆسكۆ بەڕێوەچوو، رۆدسكۆی ئەوەی خستەڕوو كە ژمارەی سەردانەكانی كەشتییە جەنگییەكانی ناتۆ بۆ ناوچەی دەریای ڕەش بە ڕێژەی 33% زیادیكردووە.

وتیشی، 40%ی ئەو كەشتییانە چەك و مووشەكی دوورمەودای زۆر وردیان لەسەر جێگیركراون، لەوانە كەشتیی تێكشكێنەری ئەمریكی "فرانكلین ڕۆزفێڵت" كە توانای هەڵگرتنی 90 مووشەكی فڕیوی لە جۆری "تۆماهۆك" هەیە و لە ئێستادا لەگەڵ سێ كەشتیی جەنگیی دیكەدا لە ناوچەی دەریای ڕەشدا جێگیركراون.

ئەو كاربەدەستە سەربازییەی ئەمریكا ئەو چالاكییانەی بە مەترسی ئەژماركرد و مەترسیی زیادبوونی گرژییەكانی لە ناوچەكەدا خستە ئەستۆی ئەمریكا و پەیمانی ناتۆ.



‌ئێستا