×


کوردی      English
تۆڕی میدیایی ئێستا
تۆڕی میدیایی ئێستا

باڵیۆزخانەی بەریتانیا لە عێراق: بۆمبێك ژمارەیەك ئۆتۆمبیلی دیپلۆماتیی پێكا

2020-09-15
بۆمبێك بە ژمارەیەك ئۆتۆمبیلدا تەقیەوە
فۆتۆ: Google
ئێستا
باڵیۆزخانەی بەریتانیا لە بەغداد ئەمڕۆ 15ی ئەیلول ئاشكرایكرد، هێرشێك لەڕێگەی بۆمبەوە كراوەتە سەر ژمارەیەك ئۆتۆمبیلی دیپلۆماتیی بەریتانیا لە بەغدا.

ڕوونیشیكردووەتەوە، بۆمبەكە دەستكرد و سەرەتایی بووە و لەسەر ڕێگای فڕۆكەخانەی بەغداد و لە نزیك مزگەوتی ئوم تبوڵ كاروانێك ئۆتۆمبیلی سەر بە باڵیۆزخانەكەی كردووەتە ئامانج، بەڵام زیانی گیانیی لێنەكەوتووەتەوە.

لەبارەی هێرشەكەوە بەرپرسێكی عێراقی ڕایگەیاندووە، ئەو ناوچەیەی هێرشەكەی تیادا ئەنجامدراوە دەكەوێتە نێوان ناوچەی سەوز و فڕۆكەخانەی نێوەدەوڵەتیی بەغداد و لەڕووی ئەمنییەوە زۆر پارێزراوە و ڕێوشوێنی توندی تیادا دەگیرێتەبەر.

چەند كاتژمێرێك بەر لەو هێرشە و لە درەنگانی شەوی ڕابردوودا، دوو مووشەكی كاتیوشا ئاراستەی ناوچەی سەوز لە بەغداد كران، بەڵام لەلایەن سیستمی دژەمووشەكی باڵیۆزخانەی ئەمریكاوە تێكشكێندران.




‌ئێستا