×


کوردی      English
تۆڕی میدیایی ئێستا
تۆڕی میدیایی ئێستا

نوسینگەی قوباد تاڵەبانی سەبارەت بە لێدوانێكی بریكاری وەزارەتی ناوخۆ ڕونكردنەوە دەدات

2020-09-15
فۆتۆ: 
ئێستا - هەرێمی کوردستان
ئێستا
نوسینگەی قوباد تاڵەبانی لە ڕونكردنەوەیەكدا، ڕەتیدەكاتەوە بریكاری وەزارەتی ناوخۆ لەبارەی دەوامی فەرمانبەرانەوە هیچ لێدوانێكی دابێت.

لە ڕاگەیەندراوێكدا نوسینگەی قوباد تاڵەبانی، جێگری سەرۆكوەزیرانی هەرێم ڕایگەیاندووە، "لەماوەی ڕابردوودا لێدوانێک بە ناوی بە‌ڕێز بریکاری وەزارەتی ناوخۆ لەسەر پرسی دەوامی فەرمانبەران لە هەندێک کەناڵی میدیایی بڵاو كرایەوە، لەبەر هەستیاری دۆخەکە لێکۆڵینەوەمان لەم بابەتە کردووە و بۆمان دەرکەوتووە کە بریکاری وەزارەتی ناوخۆ، وەکو خۆشی دەڵێت؛ بە هیچ شێوەیەک هیچ لێدوانێکی نەداوە، لەسەر پرسی دەوام".

لە ڕاگەیەندراوەكەدا ئەوەش خراوەتەڕوو، "بریکاری وەزارتی ناوخۆ، وەکو هەموو ئەندامانی تیمی یەکێتیی نیشتمانیی کوردستان لە کابینەی نۆیە‌م پابەندە بە جێبەجێکردنی دید و سیاسە‌تی حزبەکەی لە چوارچێوەی کارنامەی پەسەندکراوی کابینەی نۆیە‌می حكومە‌تی ھە‌رێم، کە پاراستنی قەوارەی هەرێمی کوردستان یەکێک لە ئە‌ولە‌ویاتە‌كانمانە".

ئەو ڕاگەیەندراوەی نوسینگەی قوباد تاڵەبانی پاش ئەوە دێت، كە بەشێك لە میدیاكان لێدوانێكیان لە زاری لیوا چەتۆ ساڵح، بریكاری وەزارەتی ناوخۆ لەبارەی دەوامی فەرمانبەران بڵاوكردەوە كە گوایە ڕایگەیاندووە، "درێژکردنەوەی دەوامی فەرمانبەران بە لێبڕینی موچەوە، بڕیارێکی نامەنتقی و دیراسە نەکراوە و لە سنوری پارێزگاکانی سلێمانی و هەڵەبجە و ئیدارەکانی گەرمیان و ڕاپەرین جێبەجێ ناکرێت".



‌ئێستا