×


کوردی      English
تۆڕی میدیایی ئێستا
تۆڕی میدیایی ئێستا

پارێزگاری هەڵەبجە لەبارەی جلەکانی کازمییەوە ڕونکردنەوە دەدات

2020-09-15
کاتی سەردانی کازمی بۆ مۆنۆمێنتی شەهیدانی هەڵەبجە
فۆتۆ: ڕاگەیاندنی ئەنجومەنی وەزیرانی عێراق
ئێستا - هەرێمی کوردستان
ئێستا
پارێزگاری هەڵەبجە ڕایگەیاند، خەڵکانێکی زۆر گومان و سەرنجیان خستووەتەسەر جلەکانی مستەفا کازمی لەکاتی سەردانەکەی بۆ مۆنۆمێنتی شەهیدانی هەڵەبجە و ئێمە پێمان وایە ئەوە پرسێکی هێندە گرنگ نییە.

ئازاد تۆفیق، پارێزگاری هەڵەبجە لە کۆنگرەیەکی ڕۆژنامەوانیدا ئەمڕۆ 15ی ئەیلول لەبارەی سەردانەکەی کازمیەوە ڕایگەیاند، "خەڵکی هەڵەبجە و پارێزگار داواکاری خۆیان داوەتە سەرۆکوەزیرانی عێراق و هەندێک کەسیش باسلە جلەکانی کازمی دەکات کە بۆچی قاتی لەبەر نەبووە؟، بەڵام ئێمە پێمان وایە پرسی هەرە گرنگ ئەوەیە کە بەدەم داواکاری خەڵکی هەڵەبجەوە بێن کە مافی سەرەتایی خەڵکی هەڵەبجەیە".

پارێزگاری هەڵەبجە ئاشکرایکرد، بڕیاربووە ڕۆژی سێشەممەی داهاتوو کۆبینەوە و یاداشتێک بدەینە لایەنە سیاسییەکانی هەرێم، بەڵام بەهۆی ئەوەی لایەنەکان سەردانی بەغدا دەکەن بڕیارە ڕۆژی پێنجشەممە یاداشتەکە بدەینە حکومەتی هەرێم و پەرلەمان".

ئازاد تۆفیق ڕاشیگەیاند، "پێشتر لێدوانێک بڵاوکراوەتەوە کە پارێزگاری هەڵەبجە پێی باشە موچەی خەڵکی هەڵەبجە لە بەغدادەوە بێت، بەڵام ئێمە پێمان وایە ئەوە ئەرکی حکومەتی هەرێمە و کە ناتوانێت بەو ئەرکە هەڵبسێت ڕەخنەمان هەیە".



‌ئێستا