×


کوردی      English
تۆڕی میدیایی ئێستا
تۆڕی میدیایی ئێستا

ئینتەرپۆڵ وەڵامی داوای ئێرانی بۆ دەستگیرکردنی دۆناڵد ترەمپ دایەوە

2020-06-29
دۆناڵد ترەمپ، سەرۆکی ئەمریکا
فۆتۆ: REUTERS / JONATHAN ERNST
ئێستا - Sputnik
ئێستا
پۆلیسی نێودەوڵەتی (ئینتەرپۆڵ)، ئەمڕۆ دووشەممە، وەڵامی داخوازیی ئێران-ی پەیوەست بە دەستگیرکردنی سەرۆکی ئەمریکا، دۆناڵد ترەمپ بەهۆی کوشتنی فەرماندەی فەیلەقی قودسی سەربە سوپای پاسداران، قاسم سولەیمانی، دایەوە.

پۆلیسی نێودەوڵەتی لە لێدوانێکیدا بۆ ئاژانسی "سپوتنیک" ڕایگەیاند کە ڕێسا ناوخۆییەکانی ڕێکخراوەکە ڕێگە بە تاوتوێکردنی داوای دەسەڵاتی دادوەریی ئێران بۆ دەستگیرکردنی سەرۆکی ئەمریکا دۆناڵد ترەمپ و تۆمەتبارانی دیکەی تێوەگلاو لە کوشتنی فەرماندەی فەیلەقی قودسی سەربە سوپای پاسداران نادات.

ئینتەرپۆڵ ئەوەشی خستووەتەڕوو کە "بەپێی ماددەی سێ لە دەستووری پۆلیسی نێودەوڵەتی، ڕێکخراوەکە لێی قەدەغەیە دەستوەردان لە هەر کردەیەکی سیاسی، سەربازی، ئایینی یان نەژادی بکات، هەر بۆیە کاتێک ئەم جۆرە داوایانە دەنێردرێن بۆ ئەمیندارێتیی گشتیی، بەپێی حوکمەکانی دەستوورمان و ڕێساکانی ناوخۆییمان، ئینتەرپۆڵ چاو بەم جۆرە داخوازییانەدا ناخشێنێت."

هەر ئەمڕۆ سێشەممە، داواکاری گشتیی تاران، عەلی قاسی میهر، ڕایگەیاند لەڕێی "ئینتەرپۆڵ"ـەوە بڕیاری دەرکردووە 36 بەرپرسی سیاسی و سەربازیی ئەمریکا، لەنێویشیاندا دۆناڵد ترەمپ-ی سەرۆک دەستگیر بکرێن، ئەویش بە تۆمەتی تێوەگلانیان لە کوشتنی فەرماندەی پێشووی فەیلەقی قودس، قاسم سولەیمانی.

ڕۆژی 3ی کانوونی دووەم، لە هێرشێکی ئاسمانیی فڕۆکەیەکی بێفڕۆکەوانی ئەمریکا، قاسم سولەیمانی و جێگری پێشووی سەرۆکی دەستەی حەشدی شەعبی، ئەبومەهدی موهەندیس لەنزیک فڕۆکەخانەی نێودەوڵەتیی بەغداد، کرانە ئامانج و کوژران.



‌ئێستا