×


کوردی      English
تۆڕی میدیایی ئێستا
تۆڕی میدیایی ئێستا

وەزیری شەهیدان: مینحەی بەشێك لە زیندانیانی سیاسی بەردەوام دەبێت

2020-10-18
عەبدوڵا حاجی مەحمود، وەزیرى کاروبارى شەهیدان و ئەنفالکراوان
فۆتۆ: Social Media
ئێستا - هەولێر
ئێستا
وەزیری كاروباری شەهیدان و ئەنفالكراوان ڕایدەگەیەنێت، مینحەى ئەو زیندانیە سیاسییانەى هیچ موچەى تریان نییە بەردەوام دەبێت.

عەبدوڵا حاجی مەحمود، وەزیرى کاروبارى شەهیدان و ئەنفالکراوانی هەرێم ئەمڕۆ یەكشەممە 18ی تشرینی یەكەم ڕایگەیاند، بە لەبەرچاوگرتنى بژێوى ژیان و گوزەرانى زیندانیانى سیاسى ئەوانەى تەنها (لە مینحەى زیندانیانى سیاسى) سودمەندن و هیچ موچەى تریان نییە و بەهیچ شێوەیەکى تر سودمەندنین لە داهات و گەنجینەى حکومەت مینحەکانیان بەردەوام دەبێت.

وتیشی، بەپێی فەرمانی مەسرور بارزانی، سەرۆكی حكومەتی هەرێم خەرجکردنى مینحەى زیندانیانى سیاسى دواى ماوەى (١٠) ساڵ، ئەوانەى کە هیچ مووچەیەکى تریان نییە بەردەوام دەبێت.

وەزیری كاروباری شەهیدان مەرجی بەردەوامی ئەو مینحەیەشی ڕونكردەوە و دەڵێت، لەلایەن وەزارەتى کاروبارى شەهیدان بە هەماهەنگى لایەنە پەیوەندیدارەکان لە چوارچێوەی یاساى ژمارە (2)ى ساڵى 2020 (یاساى چاکسازى لە مووچە و دەرماڵە و بەخشین و ماف و ئیمتیازاتەکان و خانەنشینى لە هەرێمى کوردستان- عێراق) پێداچوونەوە بە لیستى ناوەکان دەکرێت و مەرجە پشتڕاستى شایستەبوونیان بکرێتەوە و کەسانى ناشایستە دیارى بکرێن تاکو کارى پێویست ئەنجامبدرێت بە ئامانجى بەدیهێنان و پەیڕەوکردنى دادپەروەرى.



‌ئێستا