×


کوردی      English
تۆڕی میدیایی ئێستا
تۆڕی میدیایی ئێستا

بەغداد.. دایكێك دوو منداڵەكەی لە پردێكی ڕووباری دیجلەوە فڕێدەداتە خوارەوە

2020-10-18
دایکێک منداڵەکەی فڕێدەداتە ئاوی دیجلەوە
فۆتۆ: Reuters
ئێستا - عێراق
ئێستا
ئافرەتێكی عێراقی هەردوو منداڵەكەی لە سەر پردی ئەئمەی سەر ڕووباری دیجلە لە بەغداد هەڵدەداتە خوارەوە و ئەمەش ناڕەزایی و توڕەیی ڕای گشتی لێدەكەوێتەوە و داوادەكەن دایكەكە قورسترین سزا بدرێت.

تۆمارێكی ڤیدیۆیی كە لەلایەن چالاكوانانەوە بڵاوكراوەتەوە دایكێك دەردەخات كاتێك كچە تەمەن سێ ساڵانەكەی و كوڕە دوو ساڵانەكەی لەسەر ئەو پردەوە هەڵدەداتە خوارەوە كە بەسەر ڕووباری دیجلەدا دەڕوانێت.

بەپێی وتەی چالاكوانان پاڵنەری ئەو تاوانە ناكۆكییەكانی بووە لەگەڵ هاوسەری پێشووی، دایكەكە لەلایەن هێزە ئەمنییەكانەوە دەستگیركراوە.

چەند تۆمارێكی تر گریانی بەكوڵی باوكەكە بەهۆی مردنی منداڵە بێتاوانەكانی نیشاندەدات.

چالاكوانان لە كۆمێنتەكانیاندا لە هۆكار و پاڵنەرەكان و سزای ئەم جۆرە حاڵەتانەشەوە دەدوێن، سەرەڕای داواكردنی هەمواری یاسای تایبەت بە لەخۆگرتنی منداڵ.

پردی ئەئمە هەردوو ناوچەی كازمییە و ئەعزەمییەی بەغداد پێكەوە دەبەستێتەوە و پردەكە كامێری چاودێری تیا جێگیركراوە و بەهۆیەوە پۆلیس توانیویەتی تاوانكارەكە بناسێتەوە و دەستگیری بكات.



‌ئێستا