×


کوردی      English
تۆڕی میدیایی ئێستا
تۆڕی میدیایی ئێستا

ئازەربایجان و ئەرمینیا رێککەوتن لەسەر ئاگربەستی کاتیی مرۆیی

2020-10-17
ئۆتۆمبێلێكی سەربازی لە قەرەباغ
فۆتۆ: Google
ئێستا - ئاژانسەکان
ئێستا
هەردوو وڵات ئازەربایجان و ئەرمینیا رێککەوتن لەسەر ئاگربەستی کاتیی مرۆیی، لە ناوەڕاستیی ئەمشەو 17 لەسەر 18ی تشرینی یەكەم-ەوە دەست پێدەكات.

بەپێی ئەو ڕاگەیەندراوەی لە وەزارەتی دەرەوەی ئازەربایجان بڵاوکراوەتەوە ئاماژە بەوە کراوە، بڕیاری ئاگربەستی کاتی بەپێی بەیاننامەی مۆسکۆ لە ڕێکەوتی 10ی تشرینی یەکەم و بە پشتبەستن بە بەیاننامەی 5ی تشرینی یەکەمی ھاوسەرۆکانی گروپی ڕێکخستنی ھاریکاری ئەمنیی ئەوروپا-مینسک و بەیاننامەی 1ی تشرینی یەکەم-ی سەرۆکی وڵاتان لە گروپی ڕێکخستنی ھاریکاری ئەمنیی ئەوروپا-مینسک، دەرکراوە.

ئەرمینیا و ئازەربایجان لە گفتوگۆکانیان لە مۆسکۆ لە 10ی تشرینی یەکەم کاتژمێری 12ی نیوەڕۆوە ئاگربەستی کاتی لە قەرەباغ بەمەبەستی گۆڕینەوەی بارمتە و تەرمەکان ڕاگەیاندبوو.

ئەو ئاگربەستە كاریگەری نەبوو لەسەر وەستانی شەڕی نێوان ئەو دوو وڵاتە لە قەرەباغ.



‌ئێستا