×


کوردی      English
تۆڕی میدیایی ئێستا
تۆڕی میدیایی ئێستا

ڕوسیا داوای ڕاگرتنی تەواوەتی شەڕی نێوان ئازەربایجان و ئەرمینیا دەكات

2020-10-17
شوێنی بۆردوومانی شارێكی ئازەری لەلایەن ئەرمینیاوە
فۆتۆ: AA
ئێستا - ئاژانسەکان
ئێستا
وەزیری دەرەوەی ڕوسیا پەیوەندییەكی تەلەفۆنی لەگەڵ وەزیرانی درەوەی وڵاتانی ئازەربایجان و ئەرمینیا ئەنجامدا، داوای لێكردوون بە تەواوی شەڕ ڕابگرن و كۆتایی بە ئامانجگرتنی مرۆڤ بهێنن.

لە ڕاگەیەندراوێكی وەزارەتی دەرەوەی ڕوسیا هاتووە، ئەمڕۆ شەممە 17ی تشرینی یەكەم، سێرگی لاڤرۆڤ، وەزیری دەرەوەی ڕوسیا پەیوەندییەكی تەلەفۆنی لەگەڵ جیحۆن بیرامۆڤ، وەزیری دەرەوەی ئازەربایجان و زوغراب مناتساكانیان، وەزیری دەرەوەی ئەرمینیا ئەنجامداوە و دواین پێشهاتی قەرەباغ-ی لەگەڵیان تاووتوێكردووە.

ئاماژە بەوەشكراوە، لاڤرۆڤ جەختی لەسەر ڕاگەیەندراوەكەی 1ی تشرینی یەكەم-ی تایبەت بە ئاگربەستی نێوان ئەو دوو وڵاتە كردووەتەوە، كە بە سەرپەرشتیی پۆتن و ترەمپ و ماكرۆن دەركراوە.

ڕاگەیەندراوەكەی وەزارەتی دەرەوەی ڕوسیا ئەوەشی ئاشكراكردووە، "لە وتووێژەكاندا سووربوون لەسەر ئەوەی پێویستە پابەندی ئەو ئاگربەستە بن و بە تەواوی شەڕ و بە ئامانجگرتنی مرۆڤەكان ڕابگرن".

ئەو پەیوەندییە تەلەفۆنییەی نێوان ئەو سێ وەزیرە لەكاتێكدایە، حكومەتی ئازەربایجان ڕایگەیاند، لە هێرشێكی سوپای ئەرمینیا بۆسەر شاری كنجە 13 كەسی سڤیل كوژراون و 52ی دیكەش برینداربوون.



‌ئێستا