تەندروستی هەرێم: 444 توشبووی نوێ تۆماركران

20/09/2020
فۆتۆ: .
ئێستا
ئێستا
وەزارەتی تەندروستی هەرێم ئەمڕۆ یەكشەممە 20ی ئەیلول ڕایگەیاند، لەماوەی 24 كاتژمێری ڕابردوودا 444 توشبووی نوێی كۆرۆنا لە شارەكانی هەرێم تۆماركراون.

بەپێی ڕاگەیەنراوێكی وەزارەتەكە لەماوەی 24 كاتژمێری ڕابردوودا 4446 پشكنینی نوێ ئەنجامدراوە و لەو ژمارەیەش 444 توشبووی نوێ تۆماركراون كە بەپێی شارەكان بەمجۆرەیە، (دهۆك 168، هەولێر 133، سلێمانی 89، گەرمیان 33 و هەڵەبجە 21).

هەر لەو ماوەیەدا 667 كەس چاكبوونەتەوە.

دەربارەی گیان لەدەستدانیش بەپێی ڕاگەیەنراوەكە 24 حاڵەتی مردن لە شارەكانی هەرێم تۆماركراوە.

كۆی گشتی توشبووانی كۆرۆنا لە هەرێم گەیشتە 41002 كەس كە زۆرترینیان لە پارێزگای هەولێر و كەمترینیشیان لە پارێزگای هەڵەبجەیە، هەروەك ژمارەی گیان لەدەستدان بە نەخۆشییەكە گەیشتووەتە 1519 كەس.



 زۆرترین خوێندراو