بەڕێوبەرایەتی تەندروستیی پارێزگای دیالە ئاشکرایکردووە زیاتر لە 200 منداڵ کە نەخۆشی شێرپەنجەیان بووە دەرمانکراون و چاکبوونەتەوە.
لە ڕاگەیەنراوێکدا ئەمڕۆ 26 ی تشرینی یەکەم تەندروستیی پارێزگای دیالە ئاشکرایکردووە، “هەواڵێکی دڵخۆشکەر هەیە لەبارەی چارەسەری شێرپەنجەوە و لە نەخۆشخانەی باقوبی فێرکاری منداڵان چارەسەری زیاتر لە 200 منداڵ کراوە کە هەڵگری نەخۆشی شێرپەنجە بوون”.
ناوەندی دەرمانی چارەسەرکردنی شێرپەنجە لە پارێزگای دیالە لە ساڵی 2012 دامەزراوە و بە هەموو ڕێگە زانستییەکان ڕوبەڕوی حاڵەتی توشبوانی شێرپەنجە دەبێتەوە.
