دەزگای ئاسایشی نیشتمانیی عێراق ئاشكرایكرد، مەفرەزەكانیان 25 تیرۆریستیان لە نەینەوا دەستگیركردووە.
ڕاگەیەندراوێكی شانەی ڕاگەیاندنی ئەمنیی عێراق كە وێنەیەكی دەست تۆڕی میدیایی ئێستا كەوتووە ئاشكرایكرد، ئەمڕۆ هەینی و ڕۆژانی پێشتر مەفرەزەكانی ئاسایشی نیشتمانیی عێراق، 25 تیرۆریستیان لە پارێزگای نەینەوا دەستگیركردووە.
دەزگای ئاسایشی نیشتمانیی عێراق ڕایگەیاندووە، “ئەو تیرۆریستانە سەر بە ڕێكخراوی داعشن و چەكداری بەناو ویلایەتەكانی نەینەوا و دیجلە و جەزیرە و سەڵاحەدینن”.
جەختیشیكردووەتەوە كە دەستگیركراوەكان لە لێكۆڵینەوەدا “دانیان بە چەندین تاواندا ناوە، لەوانە تاوان دەرهەق بە هاوڵاتییان و هێزە ئەمنییەكان و ئەنجامدانی تەقینەوە”.
ئاسایشی نیشتمانیی عێراق دەڵێت، “دەستگیركردنی ئەو تیرۆریستانە بە بڕیاری دادوەر بووە و سەرجەمیان ڕادەستی دادگا دەكرێن”.
