كەشناسیی هەرێم ڕەوشی كەشوهەوای ئەمڕۆ و سبەینێی بڵاوكردەوە، نزمترین پلەی گەرما لە سلێمانی و هەولێر تۆماردەكرێت و بەرزترینیش لە كەركوك.
به‌‌ڕێوه‌به‌رایه‌تیی گشتیی كه‌شناسی و بومه‌له‌رزەزانیی هه‌رێمی کوردستان پێشبینییەکانی كه‌شوهه‌وای ئه‌مڕۆ پێنجشەممە و سبه‌ینێ هەینی لە ناوچه جیاجیاكانی هه‌رێمی كوردستان بڵاوكرده‌وه.
به‌پێی پێشبینییه‌كانی کەشناسیی هەرێم، ئەمڕۆ و سبەینێ ئاسمانی زۆربەی ناوچەكانی باشووری كوردستان ساماڵ دەبێت و پلەکانی گەرماش زیاتر دادەبەزن و کەشوهەوا فێنکتر دەبێت.
بەرزترین پلەی گەرمای ئەمڕۆش لە پارێزگای كەركوك تۆماردەكرێت كە 37 پلە دەبێت، نزمترینیش لەهەردوو پارێزگای هەولێر و سلێمانییە كە 33 پلە دەبێت.
سەبارەت بە ڕەوشی كەشوهەوای سبەینێ هەینی، كەشناسیی هەرێم پێشبینیكردووە، پلەكانی گەرما یەك پلە داببەزێت و ببێتە 32 و 33 پلە.
